अस्पतालको बेडमा सुतेकी महिलालाई ‘किस’, पक्राउ परे युवक

काठमाडौं । अस्पतालको बेडमा सुतिरहेकी महिलालाई किस गर्न खाेजेकाे आरोपमा एक युवक पक्राउ परेका छन् ।

विराटनगर ७ स्थित कोशी अस्पतालको फिमेल मेडिकल वार्डमा विरामी कुरुवा बसेकी महिलालाई ‘किस’ गर्न खोज्ने युवक पक्राउ परेका हुन् । पक्राउ पर्नेमा मोरङ कटहरी गाउँपालिका वडा नम्वर ४ बस्ने २२ वर्षीय सुरजकुमार मण्डल रहेका छन् ।

बुधबार राति करिब साढे ३ बजे महिलालाई अभद्र व्यवहार गर्न खोजेपछि ती युवकलाई नियन्त्रणमा लिइएको मोरङ प्रहरीले जनाएको छ । युवकलाई अभद्र व्यवहार अन्तर्गत म्याद थपी थप अनुसन्धान भइरहेको जानकारी दिइएको छ ।