नेपाल दूरसञ्चार प्राधिकरणको तथ्यांक- क्लासिक टेकप्रति ग्राहकको बढ्दो आकर्षण
मकालु खबर
काठमाडौँ । नेपालका इन्टरनेट सेवा प्रदायक कम्पनी क्लासिक टेक प्रति ग्राहकहरूको आकर्षण बढ्दै गएको कम्पनीले बताएको छ ।
नेपाल दूरसञ्चार प्राधिकरण (NTA) ले हालै प्रकाशन गरेको तथ्यांकले नेपालमा इन्टरनेट सेवा दिइँदै आएका अधिकांश सेवा प्रदायकमा भन्दा क्लासिक टेकमा ग्राहकको बढ्दो आकर्षण रहेको देखिन्छ ।
गत वर्ष २०८२ फागुन र चैत्र महिनाको नयाँ इन्टरनेट जडान गर्ने ग्राहकको संख्यामा इन्टरनेट वर्गीकरण अनुसार क्लासिक टेक पहिले रहेको तथ्यांकमा उल्लेख छ ।
| ISPs | Chaitra, 2082 | Falgun, 2082 | Difference |
| World Link | 1,073,654 | 1,068,329 | 5,325 |
| Classic Tech | 283,371 | 279,848 | 3,523 |
| Vianet | 357,771 | 354,894 | 2,877 |
| Nepal Telecom | 351,725 | 350,013 | 1,712 |
| Dish Home | 374,319 | 379,299 | -4,980 |
| Subisu | 262,849 | 260,724 | 2,125 |
| CG Net | 88,738 | 87,539 | 1,199 |
उक्त तथ्यांकअनुसार, २०८२ सालको फागुन महिनामा क्लासिक टेकका कुल ग्राहक संख्या २७९,८४८ रहेकोमा चैत्र महिनामा बढेर २८३,३७१ पुगेको छ । यस अवधिमा कम्पनीले ३,५२३ नयाँ ग्राहक थप्न सफल भएको देखिन्छ ।
तथ्याङ्कलाई हेर्दा विशेषगरी २०८२ सालको फागुन र चैत्र महिनाको ग्राहक क्लासिक टेकले उल्लेखनीय रूपमा नयाँ ग्राहक थप्न सफल भएको देखिन्छ ।
कम्पनीप्रति ग्राहकको आकर्षण बढ्नुमा सहुलियत मूल्यमा गुणस्तरीय इन्टरनेट सेवा उपलब्ध गराउनु तथा अत्याधुनिक प्रविधियुक्त वाइफ़ाइ सिक्स राउटर साना देखि ठुला सबै प्याकेजमा उपलब्ध गराउनु मुख्य कारणका रूपमा हेरिएको र यति मात्र नभई ५० एम बि पी एस देखि ३०० एम बि पी एस सम्मका ३ महिने तथा वार्षिक प्याकेजहरूमा समेत वाइफ़ाइ सिक्स राउटर प्रदान गराइएकाले ग्राहकहरूको रोजाइमा क्लासिक टेक पर्न सफल भएको कम्पनीको भनाइ छ ।
इन्टरनेट जस्तो अत्यावश्यक सेवामा ग्राहक समर्थन तथा प्राविधिक सेवाको विषय भने कम्पनीका लागि चुनौतीपूर्ण रहँदै आएको छ । विशेषगरी वर्षायाममा मौसम परिवर्तन, फाइबर लाइन क्षति तथा विभिन्न प्राविधिक समस्याका बाबजुद पनि कम्पनीले सेवा विस्तार र ग्राहक सन्तुष्टिलाई प्राथमिकतामा राख्दै आएको जनाएको छ ।
केही समयअघि क्लासिक टेकले ग्राहक समर्थन तथा टेक्निकल फिल्ड सपोर्ट सेवा सुधारका लागि विशेष सेवा अभियानसमेत सञ्चालन गरेको थियो ।
कम्पनीका अनुसार नयाँ ग्राहक विस्तारसँगै विद्यमान ग्राहकलाई प्रभावकारी सेवा उपलब्ध गराउनु पनि उत्तिकै प्राथमिकतामा रहेको छ ।
घरायसी सेवासम्बन्धी सहयोगका लागि ग्राहकहरूले ९८०२९२२३०४ मा सम्पर्क गर्न सक्नेछन् भने अफिसियल तथा कर्पोरेट सपोर्टका लागि ९८०२६२२३०३ मा सम्पर्क गर्न सकिने छ ।
साथै, क्लासिक टेक मोबाइल एप मार्फत पनि ग्राहकहरूले आफ्नो समस्या वा सेवा सम्बन्धी टिकट दर्ता गर्न सक्ने व्यवस्था रहेको कम्पनीले जानकारी दिएको छ ।
मकालु खबर
