स्वास्थ्य मन्त्री निशा मेहतासँग ३० तोला सुन र ५० तोला चाँदी, बैंकमा १७ लाखभन्दा बढी

काठमाडौं । स्वास्थ्य मन्त्री निशा मेहतासँग ३० तोला सुन र ५० तोला चाँदी रहेको पाइएको छ ।

आइतबार सार्वजनिक गरिएको सम्पत्ति विवरणअनुसार उनको नाममा उक्त परिमाणको सुन तथा चाँदी रहेको उल्लेख गरिएको छ । उक्त सुन–चाँदीको स्रोत दाइजो, उपहार र आफैंले खरिद गरेको बताइएको छ ।

त्यस्तै, काठमाडौंको सौखेलमा ७ आना जग्गा रहेको विवरणमा जनाइएको छ। सो जग्गाको स्रोत श्रीमान् र आफ्नो तलब तथा ऋण रहेको उल्लेख गरिएको छ ।

बैंक खातातर्फ माछापुच्छ्रे बैंकमा ७ लाख २३ हजार ५३५ रुपैयाँ र सानिमा बैंकमा १० लाख रुपैयाँ मौज्दात रहेको विवरणमा उल्लेख छ ।

त्यसैगरी, करिब २५ लाख रुपैयाँ मूल्य पर्ने ब्रान्ड आई१० गाडीसमेत रहेको र उक्त गाडीको खरिद मूल्य २५ लाख रुपैयाँ रहेको विवरणमा जनाइएको छ ।