‘वान बाई मेटलाइफ’ एपमा ब्लड सुगर बारे जानकारी, डिजिटल बीमा सेवा विस्तार

काठमाडौँ । ग्राहकहरूको सेवा अनुभूति अझ प्रभावकारी बनाउने यात्रामा, मेटलाइफ नेपालले आफ्नो वान बाई मेटलाइफ मोबाइल एपमा नयाँ अपडेट गर्दै दीर्घकालीन रगतमा चिनीको मात्रा देखाउने सूचक को स्वास्थ्य जोखिम मूल्याङ्कन सुविधा थप गरेको छ ।

साथै, प्रयोगकर्ताहरूलाई आफ्नो स्वास्थ्य जानकारी र बीमा सम्बन्धी आवश्यकताहरू सजिलै व्यवस्थापन गर्न सहयोग पुर्याउने डिजिटल सेवाहरू पनि विस्तार गरिएको छ ।

नेपालमा धेरै मानिसहरू आधारभूत स्वास्थ्य जानकारी लिन वा बीमा सम्बन्धी कामहरू पूरा गर्न विभिन्न एप, उपकरण वा प्रत्यक्ष रूपमा कार्यालय जानुपर्ने अवस्थामा छन् । वान बाई मेटलाइफएपले यी सबैलाई सजिलो बनाउँदै एउटै मोबाइल प्लेटफर्ममा स्वास्थ्य सम्बन्धी उपकरणहरू, रिमाइन्डरहरू र बीमा सेवाहरू उपलब्ध गराउँछ, जसले प्रयोगकर्ताको दैनिक जीवनलाई सरल बनाउने कम्पनीको दाबी रहेको छ ।

नयाँ निर्मित स्वास्थ्य जोखिम मूल्याङ्कन सुविधाले प्रयोगकर्तालाई दीर्घकालीन रूपमा रगतमा चिनीको अवस्थाबारे बुझ्न मद्दत गर्छ । एपमा प्रविष्ट गरिएको जानकारीका आधारमा प्रयोगकर्ताहरूले आफ्नो सम्भावित स्वास्थ्य जोखिमबारे जानकारी पाउन सक्छन् । यो सुविधा विशेष गरी आफ्नो स्वास्थ्य र जीवनशैलीबारे पहिले नै जानकारी लिन चाहने व्यक्तिहरूका लागि उपयोगी छ ।

स्वास्थ्य जानकारीसँगै, वान बाई मेटलाइफएपले अन्य सेवाहरू पनि सुधार गरेको छ । प्रयोगकर्ताहरूले अफलाइन नोटिफिकेशन प्राप्त गर्न, सुधारिएको प्रिमियम क्याल्कुलेटर प्रयोग गर्न र भुक्तानी रिमाइन्डरहरू पाउन सक्छन् । साथै, एपमार्फत बीमा दाबी (क्लेम) सुरु गर्न, आफ्नो व्यक्तिगत जानकारी डिजिटल रूपमा अपडेट गर्न र पोसिली पुनः सक्रिय राख्न सम्बन्धी सूचना प्राप्त गर्न सकिन्छ, जसले शाखा कार्यालय जानुपर्ने वा कागजी प्रक्रिया कम गर्छ ।

यस अपडेटबारे बोल्दै मेटलाइफ नेपालका जनरल म्यानेजर, निर्मल श्रेष्ठले भने ‘वान बाई मेटलाइफ एप दैनिक जीवनमा स्वास्थ्य र बीमा व्यवस्थापनलाई सरल बनाउन डिजाइन गरिएको हो । यस अपडेटमार्फत हामीले रगतमा चिनीको मात्रा मूल्याङ्कन जस्ता डिजिटल स्वास्थ्य जानकारी र आवश्यक बीमा सेवाहरूलाई एउटै प्लेटफर्ममा समेटेका छौँ । हाम्रो उद्देश्य नेपालभरिका व्यक्तिहरू र परिवारलाई अझ सजिलो रूपमा जानकारीयुक्त, तयार र सुरक्षित रहन सहयोग गर्नु हो ।’