कलाकार संघको नेतृत्वका लागि उत्तम-सविनबीच प्रतिस्पर्धा
मकालु खबर २०८२ चैत ११ गते
काठमाडौँ । चलचित्र कलाकार संघको अध्यक्ष पदका लागि कलाकार उत्तम केसी र सविन श्रेष्ठले प्रतिस्पर्धा गर्ने भएका छन् ।
यसपटक अध्यक्ष पदमा अघिल्लो र नयाँ पुस्ताका कलाकारहरूबीच प्रतिस्पर्धा हुने देखिएको हो ।
अघिल्लो पुस्ताको प्रतिनिधित्व गर्दै कलाकार उत्तम केसी र नयाँ पुस्ताका कलाकार सविन श्रेष्ठले अध्यक्षमा उम्मेदवारी दिने घोषणा गरिसकेका छन् ।
उनीहरूलाई अन्य कलाकार तथा शुभचिन्तकहरूले सामाजिक सञ्जालमा बधाई तथा समर्थन गरिरहेका छन् ।
यही चैत २८ गते संघको २१औँ साधारण सभा तथा चुनावी महाधिवेशन आयोजना गरिएको छ ।
वि.स. २०५५ सालमा स्थापना भएको कलाकार संघमा तीन वर्षे कार्यकाल हुने गरेको छ ।
मकालु खबर २०८२ चैत ११ गते
प्रतिक्रिया
सम्बन्धित
