प्रधानमन्त्रीको अभिव्यक्तिप्रति सांसद बिसीको आपत्ति

काठमाडौं । राष्ट्रिय सभा सदस्य सुमित्रा विसीले प्रधानमन्त्री सुशीला कार्की निर्वाचन दुई चरणमा पनि हुनसक्छ भनि दिनुभएको अभिव्यक्तिप्रति आपत्ति जनाएकी छन् ।

शुक्रवार बसेको राष्ट्रिय सभा बैठकमा बोल्दै उनले सो आपत्ति जनाएकी हुन् । सांसद विसीले तोकिएको मितिमा एकैपटक देशभर सम्पन्न गर्न पनि सरकारलाई सचेत गराइन् ।

उनले निष्पक्ष, स्वच्छ र भयरहित वातावरणमा निर्वाचन सम्पन्न गर्नका लागि पनि सरकारको ध्यानाकर्षण गराइन् । उनु भयो । ‘यो सरकार ६ महिना भित्र निर्वाचन गराईसक्ने भनेर स्थापित भएको छ । यसको भाषा कहिले कहिले दुई चरणमा निर्वाचन गराउने, निर्वाचन ढिलो पनि हुनसक्छ भन्ने कुराहरु सरकारका प्रधानमन्त्रीले नै भन्ने गरेकाले यो निष्पक्ष, स्वच्छ र भयरहित चुनाव छिटो छरितो ढंगले सम्पन्न गर्नका निम्ति एकै चोटी चुनाव गराउनका लागि म सरकारसँग माग गर्न चाहन्छु । र, चुनावमा जहाँ असुरक्षा छ, त्यहाँ सुरक्षा दिन पनि सरकारको ध्यानाकर्षण गराउन चाहन्छु’ उनले भनिन् ।

सांंसद विसीले एकैचरणमा निर्वाचन सम्पन्न गराउने दायित्व सरकारको भएकाले त्यसबाट भाग्ने प्रयास गर्न नहुने समेत बताइन् ।