रास्वपाको विधान संशोधन गरिने, उपसभापति, महामन्त्रीसहित ४ पदाधिकारी थप

काठमाडौं । राष्ट्रिय स्वतन्त्र पार्टी (रास्वपा)को केन्द्रीय समिति बैठकले पार्टी एकीकरण तथा संगठन विस्तारको क्रममा यसअघि विभिन्न पक्षसँग भएको सम्झौता कार्यान्वयन गर्न पार्टी विधान संशोधन गर्ने निर्णय गरेको छ ।

बैठकले विधान संशोधनमार्फत पार्टीका पदाधिकारी संख्या थप गर्ने प्रस्ताव पारित गरेको छ । थपिने पदहरूमा उपसभापति १, महामन्त्री १, सहमहामन्त्री १ र सहप्रवक्ता १ रहेका छन् ।

यो संशोधन पार्टीमा नयाँ समूह तथा व्यक्तिहरूको समायोजनलाई व्यवस्थित गर्न तथा संगठनलाई थप सुदृढ बनाउन लक्षित रहेको बताइएको छ ।

बैठकले ७ जनालाई केन्द्रीय सदस्यमा मनोनयन गरेको थियो । सभापति रवि लामिछाने जिम्मेवारीमा फर्किएपछिको यो बैठकले पार्टीको आन्तरिक संरचना र निर्वाचन तयारीलाई प्राथमिकता दिएको देखिन्छ ।