बेदुइन दम्पतीमाथि आक्रमणः मध्य सिरियामा कर्फ्यू

काठमाडौं । मध्य सिरियाको होम्स प्रान्तमा सुन्नी बेदुइन दम्पतीमाथि भएको घातक आक्रमणले आईतवार व्यापक अशान्ति निम्तिएको छ । जसले गर्दा अधिकारीहरूले सुरक्षा बल तैनाथ गरेर कफ्र्यू लगाएका छन् । साम्प्रदायिक हिंसा बढ्ने डरले बासिन्दाहरूलाई प्रतिशोधात्मक हिंसाबाट बच्न आग्रह गरेका छन् ।

आईतवार बिहान जैदल शहरमा बानी खालिद बेदुइन जनजातिका एक पुरुष र उनकी श्रीमतीको हत्या भएको र महिलाको शरीर आंशिक रूपमा जलेको अवस्थामा फेला परेपछि अशान्ति फैलियो । आन्तरिक अधिकारीहरूका अनुसार घटनास्थलमा साम्प्रदायिक आरोपित भित्तिचित्र फेला परेको थियो ।

होम्समा आन्तरिक सुरक्षा बलका प्रमुख मुरहाफ अल–नासनले साम्प्रदायिक कलह निम्त्याउने उद्देश्यले गरिएको आक्रमणलाई जघन्य अपराधको रूपमा निन्दा गर्नुभएको छ । सुरक्षा इकाइहरूले तत्काल अनुसन्धान शुरु गरेको उनले बताए ।