सिमरा विमानस्थलमा जेनजी र एमाले कार्यकर्ताबीच झडप

काठमाडौँ । बाराको सिमरा विमानस्थल क्षेत्रमा जेनजी युवा समूह र एमाले कार्यकर्ताहरूबीच झडप भएको छ ।

विमानस्थलमा नेकपा एमाले महासचिव शङ्कर पोखरेल, नेता महेश बस्नेत लगायतका नेताहरू आउन लागेको थाहा पाएपछि जेनजी युवाहरू विमानस्थल घेर्न गएका थिए । तर, जेनजी युवाहरूले नाराबाजी गरेपछि अवस्था तनावपूर्ण बनेको थियो ।

जेनजीहरुले एमालेको युवा संघले आयोजना गरेको जागरण सभाको विरोध गर्दै सिमरा विमानस्थलमा तनावको अवस्था सिर्जना भएको हो ।

झडपको समयमा ढुंगामुढा समेत भएको जानकारी प्राप्त भएको छ । स्थिति तनावपूर्ण भएपछि जिल्ला प्रशासन कार्यालय बाराले साँझ ८ बजेसम्मका लागि कफ्र्यू आदेश जारी गरेको छ ।