इण्डोनेसियामा विद्यालय भवन भत्किँदा ५ जनाको मृत्यु

एजेन्सी । इण्डोनेसियाको पूर्वी जाभा प्रान्तमा विद्यालय भवन भत्किँदा मृत्यु हुनेको संख्या पाँच पुगेको छ । ८४ जना अझै पनि भग्नावशेषमुनि फसेका बताइएको छ ।

भवनको भग्नावशेष अस्थिर रहेको बताइएको छ । जसले उद्धारकर्ता र बाँचेका दुवैलाई गम्भीर जोखिम निम्त्याएको छ । अधिकारीहरूले अपरेशनमा भारी उपकरणहरू प्रयोग गर्ने कि नगर्ने भनेर मूल्याङ्कन गरिरहेका छन् ।

सोमवार सिदोआरजो जिल्लाको अल खोजिनी इस्लामिक बोर्डिङ स्कूलमा यो घटना भएको थियो ।

कार्यालयकाअनुसार दिउँसोको प्रार्थनाको समयमा अनधिकृत नवीकरण अन्तर्गत रहेको भवन अचानक भत्किएको हो । भत्किनुको कारण अनुसन्धान भइरहेको छ ।