रुकुम–पूर्व र बागलुङको सीमामा भूकम्प
मकालु खबर २०८२ असोज १ गते
काठमाडौँ । रुकुम–पूर्व र बागलुङ जिल्लाको सीमा क्षेत्रमा बुधबार साँझ भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका अनुसार भदौ ३१ गते साँझ ८ बजेर २५ मिनेट जाँदा ४.६ म्याग्निच्युडको भूकम्प गएको हो ।
केन्द्रका अनुसार भूकम्पको केन्द्रबिन्दु पतिहाल्ने भञ्ज्याङ क्षेत्र नजिक रहेको छ ।
भूकम्पको धक्का रुकुम–पूर्व, बागलुङसहित आसपासका जिल्लामा पनि महसुस गरिएको थियो।
हालसम्म भूकम्पका कारण कुनै ठूलो क्षति भएको जानकारी भने आएको छैन । तर, भूकम्पको धक्का महसुस भएलगत्तै स्थानीयहरू केही समयका लागि बाहिर निस्किएका थिए ।
मकालु खबर २०८२ असोज १ गते
प्रतिक्रिया
सम्बन्धित
