प्रधानमन्त्री कार्कीले नै सम्हालिन् सबै मन्त्रालयको जिम्मेवारी

काठमाडौं । नवनियुक्त अन्तरिम सरकारकी प्रधानमन्त्री सुशीला कार्कीले पद तथा गोपनीयताको शपथ ग्रहण गरेकी छन् । उनले तत्कालका लागि सबै मन्त्रालयको जिम्मेवारी आफैंले सम्हाल्ने निर्णय गरेकी छन् ।

शुक्रवार राष्ट्रपति कार्यालय शीतल निवासमा आयोजित विशेष समारोहमा राष्ट्रपति रामचन्द्र पौडेलले उनलाई शपथ गराएका हुन् । शपथपछि राष्ट्रपतिले कार्कीलाई सफल कार्यकालको शुभकामना दिँदै ‘देश बचाउन’ आह्वान गरेका छन् ।

शपथ समारोहमा उपराष्ट्रपति रामसहायप्रसाद यादव, प्रधानन्यायाधीश, नेपाल सरकारका उच्च पदस्थ अधिकारीहरू र कूटनीतिक नियोगका प्रतिनिधिहरूको उपस्थिति रहेको थियो ।

प्रधानमन्त्री कार्कीले मन्त्रिपरिषद् विस्तार शनिबारसम्ममा गर्ने तयारीमा रहेको स्रोतले जनाएको छ ।