जेनजी आन्दोलनको असर: विराटनगरका विद्यालय दुई दिनका लागि बन्द

काठमाडौं । विराटनगर महानगरपालिकाका विद्यालयहरू दुई दिनका लागि बन्द हुने भएका छन् । जेनजी पुस्ताको प्रदर्शनपछि उत्पन्न परिस्थितिका कारण विद्यालयहरू बन्द गरिएको जनाइएको छ ।

महानगरपालिकाले मंगलबार सूचना जारी गर्दै सबै विद्यालयमा बिदा घोषणा गरेको हो । यसअघि सोमबार जेनजीले विराटनगरमा प्रदर्शन गरेका थिए ।

प्रदर्शनपछि बढ्न सक्ने सम्भावित असहज परिस्थितिलाई ध्यानमा राख्दै विद्यालय बन्द गरिएको बताइएको छ ।

देशका प्रमुख शहरहरूमा जारी आन्दोलनको प्रभाव विराटनगरमा पनि देखिन थालेको छ ।