जेनजी आन्दोलनमा मृत्यु हुनेको संख्या ७ पुग्यो, ट्रमा सेन्टरमा मात्रै चार जनाको मृत्यु

काठमाडौँ । काठमाडौँमा जारी जेनजीको आन्दोलनमा मृत्यु हुनेको संख्या ७ पुगेको छ ।

आन्दोलनमा घाइते भएर उपचारका लागि अस्पताल लगिएका प्रदर्शनकारीको विभिन्न अस्पतालमा मृत्यु भएको हो । ट्रमा सेन्टरमा मात्रै चार जना प्रदर्शनकारीको मृत्यु भएको छ ।

जेनजी प्रदर्शनका क्रममा घाइते भएकाहरूमध्ये ट्रमा सेन्टरमा चार जनाको मृत्यु भएको हो ।

जेनजी प्रदर्शनका क्रममा यसअघि सिभिल अस्पताल र केएमसी अस्पतालमा एक–एक जनाको मृत्यु भएको थियो ।

एक जनाको संसद् भवन बाहिरै गोली लागेर निधन भएको थियो । अहिलेसम्म कतिलाई गोली लागेको भन्नेबारे यकिन थाहा भइसकेको छैन ।