भारतको ७९औँ स्वतन्त्रता दिवसमा परराष्ट्रमन्त्री देउवाको शुभकामना- ‘नेपाल-भारत साझेदारीलाई उच्च महत्व दिएको छ’

काठमाडौं । परराष्ट्रमन्त्री डा. आरजु राणा देउवाले भारतको ७९औँ स्वतन्त्रता दिवसको अवसरमा भारत सरकार र त्यहाँका जनताप्रति हार्दिक शुभकामना व्यक्त गरेकी छन् । सामाजिक सञ्जाल ‘एक्स’ मार्फत आफ्ना भारतीय समकक्षी डा. एस जयशङ्करलाई सम्बोधन गर्दै मन्त्री देउवाले नेपालले भारतसँगको आफ्नो लामो र दिगो साझेदारीलाई अधिक महत्व दिएको बताएकी हुन् ।

उनले दुई देशबीचको सम्बन्धलाई थप सुदृढ बनाउने विश्वास व्यक्त गरिन् । आफ्नो शुभकामना सन्देशमा उनले लेखेकी छन्, ‘भारतको स्वतन्त्रता दिवसमा हामी भारतका जनताको समृद्धि, एकता र सद्भावको निरन्तरता चाहन्छौँ, भारत विश्वभरका देशलाई प्रेरणा दिँदै लोकतन्त्रको चम्किलो उदाहरण रहिरहोस् ।’

नेपाल र भारतबीच उच्चस्तरमा हुने यस्ता शुभकामना आदानप्रदानले दुई देशबीचको कूटनीतिक र जनस्तरको सम्बन्धलाई थप प्रगाढ बनाउन मद्दत पुग्ने विश्वास गरिन्छ । भारतले शुक्रबार आफ्नो ७९औँ स्वतन्त्रता दिवस मनाउँदै छ ।

Extending my heartfelt congratulations to @DrSJaishankar and the people of India on the occasion of India’s 79th Independence Day. Nepal deeply values its longstanding and enduring partnership with India. On this Independence Day, we wish the people of India continued prosperity,…

— Dr. Arzu Rana Deuba (@Arzuranadeuba) August 15, 2025