कुलिङ पिरियड व्यवस्थामा भएको छेडखानीको छानबिन गर्ने संसदीय समितिको संयोजकमा काँग्रेस सांसद परियार
मकालु खबर २०८२ असार २३ गते
काठमाडौँ । संघीय निजामती विधेयकमा कुलिङ पिरियड व्यवस्थामा भएको छेडखानीबारे छानबिन गर्न गठित ७ सदस्यीय संसदीय विशेष छानबिन समिति प्रतिनिधि सभाबाट घोषणा भएको छ ।
सभाको सोमवारको बैठकमा सभामुख देवराज घिमिरेले उक्त घोषणा गरेका हुन् ।
समितिको संयोजक नेपाली काँग्रेसका सांसद जीवन परियार तोकिएका छन् ।
सभामुख घिमिरेका अनुसार समितिमा नेपाली काँग्रेसबाट जीवन परियार संयोजकसहित र सुशीला थिङ, नेकपा एमालेबाट ईश्वरी घर्ती र नारायण आचार्य, नेकपा (माओवादी केन्द्र) बाट माधव सापकोटा, राष्ट्रिय स्वतन्त्र पार्टीबाट गणेश पराजुली तथा राष्ट्रिय प्रजातन्त्र पार्टीबाट रोशन कार्की रहेका छन् ।
समितिलाई छानबिन तथा अध्ययनका लागि २१ दिनको समय दिइएको सभामुख घिमिरेले जानकारी गराए ।
मकालु खबर २०८२ असार २३ गते
प्रतिक्रिया
सम्बन्धित
