भारतको केरा आयातमा रोक लगाएसँगै किसानले पाउन थाले उचित मूल्य

जिल्लामा मालभोग, जिनाइन, बिलियम हाइब्रिड जातका केरा लगाइँदै आइएको महतोले जानकारी दिए । उनका अनुसार जिल्लामा करिब ७०० किसानले व्यावसायिक रूपमा केराखेती गर्दै आएका छन् ।

मूख्य रूपमा कालिका र रत्ननगर नगरपालिकामा किसानले केरा लगाएका छन् । जिल्लाका अन्य पालिकामा केराखेती गरिन्छ । तीमध्ये अधिकांशले जग्गा भाडामा लिएर केराखेती गरिरहेका केरा उत्पादक सङ्घले जनाएको छ ।

यहाँ उत्पादित केरा काठमाडौँ, पोखरा, दाङ, वीरगञ्ज, हेटौँडालगायत सहरमा जाने गर्दछ । फागुनदेखि वैशाखसम्म कम उत्पादन भए पनि अन्य मौसममा केरा उत्पादन बढी हुने सङ्घले जनाएको छ । बिरुवा लगाएको १० महिनादेखि एक वर्षमा उत्पादन लिन सकिन्छ ।