जनकपुर बोल्ट्सले ७ खेलाडीलाई रिटेन गर्‍यो, चार खेलाडीलाई रिलिज

काठमाडौं । नेपाल प्रिमियर लिग (एनपीएल)को आगामी संस्करणको तयारी गर्दै जनकपुर बोल्ट्सले ७ खेलाडीलाई रिटेन गरेको छ ।

अघिल्लो संस्करणको च्याम्पियन टोलीले सामाजिक संजालमार्फत उक्त ७ खेलाडीको नाम सार्वजनिक गरेको हो ।

रिटेन भएका खेलाडीहरूमा प्रमुख खेलाडी आसिफ शेखसँगै अनिल कुमार शाह, ललित राजवंशी, रुपेश सिंह, किशोर महत्तो, शुभ कंशाकार र तुलबहादुर थापा समावेश छन् । यी खेलाडीहरूलाई आगामी सिजनमा पनि जनकपुर बोल्ट्सको टिममा रहनेछ ।

त्यसैगरी, हेमन्त धामी, शेर मल्ल, आकाश त्रिपाठी र अरनिको प्रसाद यादवलाई टोलीबाट रिलिज गरिएको छ । यस परिवर्तनसँगै बोल्ट्सले आफ्नो टोलीलाई अझ बलियो बनाउनका लागि नयाँ रणनीति अपनाउने अनुमान गरिएको छ ।

रिटेन हुने खेलाडीहरूः

• आसिफ शेख
• अनिल कुमार शाह
• ललित राजवंशी
• रुपेश सिंह
• किशोर महत्तो
• शुभ कंशाकार
• तुलबहादुर थापा

रिलिज हुने खेलाडीहरूः

• हेमन्त धामी
• शेर मल्ल
• आकाश त्रिपाठी
• अरनिको प्रसाद यादव