समयमै किसानलाई मलखाद उपलब्ध गराउन सांसद केसीको माग
मकालु खबर २०८२ जेठ ५ गते
काठमाडौं । नेपाली काँग्रेसका सांसद अर्जुननरसिंह केसीले समयमै किसानलाई मलखाद उपलब्ध गराउन सरकारको ध्यानाकर्षण गराएका छन् ।
सोमवारको प्रतिनिधि सभा बैठकमा विशेष समयमा बोल्दै उनले यस्तो माग गरेका हुन् ।
५ अर्ब ६७ करोड रुपैयाँ कृषि कोल्ड स्टोरको नाममा गएका अनुदानको अनुसन्धान र छानविन गरी जवाफ दिन सरकारसँग आग्रह गरेका हुन् ।
उनले हरेक वर्ष झन्डै साढे ७ लाख मेट्रिक टन मलखादको आवश्यकता हुने गरेको भएपनि आवश्यक मल अझै नआइसकेको भन्दै आपत्ति जनाए ।
उनले समयमै मलखाद नपाउँदा किसानलाई बढी मर्का पर्ने बताए । उनले अहिलेको कृषि बजेट पर्याप्त नरहेको पनि बताए ।
सांसद केसीले बजेटको निरन्तरतामा पक्षपात नगर्न आग्रह गरे । कृषि विकास राष्ट्रिय आवश्यकता भएको उल्लेख गरे ।
मकालु खबर २०८२ जेठ ५ गते
प्रतिक्रिया
सम्बन्धित
