रगताम्मे अवस्थामा भेटियो प्रेमीसँग होटेल गएकी एलिसाको शव
मकालु खबर
काठमाडौं । मकवानपुरमा एक युवतीको हत्या गरिएको छ ।
हेटौँडाको सरस्वती टोलकी ३० वर्षीया एलिसा न्यौपानेको होटेलको कोठामा हत्या भएको हो । उनको रगताम्मे अवस्थामा शव फेला परेको प्रहरीले जनाएको छ ।
जिल्ला प्रहरी कार्यालय मकवानपुरका डिएसपी लक्ष्मी भण्डारीका अनुसार मृत भेटिएकी युवती शव पोस्टमार्टमका लागि हेटौँडा अस्पताल लगिएको छ ।
‘एक होटेलमा युवतिको शव भेटिएको हो । पोष्टपार्टमका लागि हेटौँडा अस्पताल लगिएको छ,’ डिएसपी भण्डारीले मकालुखबरसंग भने,‘अनुसन्धान भइरहेको छ । यस विषयमा अहिले नै अरु कुरा भन्न मिल्दैन ।’
आइतबार अपराह्न ४ बजेतिर हेटौँडा उपमहानगरपालिका–१० बसपार्कस्थित एक होटेलमा युवकसहित उनी पुगेको बताइएको छ ।
एलिसासँगै आएका युवक भने कोठाबाट भागेको पाइएको छ । युवकले युवतीलाई दुई वटा बियरका बोतलसहित धारिलो हतियार प्रहार गरी हत्या गरेर भागेको प्रहरीले जनाएको छ ।
युवकको पहिचान खुलेको छैन ।
मकालु खबर
