गठ्ठाघरमा ट्रकको ठक्करबाट ज्यान गुमाएकी महिलाको पहिचान खुल्न बाँकी*

काठमाडौँ । भक्तपुरस्थित गठ्ठाघरमा मालवाहक ट्रकले स्कुटर चालकलाई ठक्कर दिँदा मृत्यु भएको महिलाको पहिचान खुल्न बाँकी रहेको छ।

उक्त महिला दोलखाकी भनिए पनि उनी नभएको र पहिचान फरक परेको हो।

स्कुटरलाई बिहीबार दिउँसो पौने २ बजेतिर मालबाहक ट्रकले ठक्कर दिएको थियो । शव नचिनिने अवस्थामा छ।

ट्राफिकले स्कुटरलाई चेकजाँच गर्दै गर्दा तीव्र गतिमा आएको ना. ६ ख २१७३ नम्बरको मालबहाक ट्रकले बा. ४९ प ८९४४ नम्बरको स्कुटरलाई ठक्कर दिएको थियो ।

प्रहरीले दुर्घटनापछि ट्रक चालक फरार रहेको बताएको छ । शवलाई पोस्टमार्टमका लागि त्रिवि शिक्षण अस्पताल राखिएको छ ।

(यसअघिको समाचारमा प्रहरीले दिएको जानकारी अनुसार गलत पहिचान पर्न गएकोमा सच्याइएको छ -सम्पादक)