रास्वपाले बोलायो संसदीय दलको बैठक, के गर्ला निर्णय ?

काठमनडौं । राष्ट्रिय स्वतन्त्र पार्टी (रास्वपा)ले संसदीय दलको बैठक बोलाएको छ । बिहान १० बजे सिंहदरबारस्थित पार्टी संसदीय दलको कार्यालयमा बोलाएको बैठकमा सङ्क्रमणकालीन न्यायसम्बन्धी विधेयकमाथि छलफल हुने भएको हो ।

दिउँसो बस्ने प्रतिनिधिसभा बैठकमा कानुन, न्याय तथा मानवअधिकार समितिका सभापति विमला सुवेदीले बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयकसम्बन्धी समितिको प्रतिवेदन, २०८१ पेस गर्ने सम्भावित कार्यसूची रहेको छ ।

त्यसअघि रास्वपाले सङ्क्रमणकालीन न्यायसम्बन्धी विधेयक सम्बन्धमा छलफल गर्न लागेको हो । बैठकमा समसामयिक राजनीतिक विषयवस्तुमाथि पनि छलफल हुने रास्वपाका कार्यवाहक प्रवक्ता मनिष झाले जानकारी दिए ।