कांग्रेसलाई आस्था र निष्ठाको केन्द्र बनाएरै छाड्छौँ : गगनकुमार थापा

काठमाडौं । नेपाली काँग्रेसका महामन्त्री गगनकुमार थापाले नेपाली कांग्रेस पार्टीलाई आस्था र निष्ठाको केन्द्र बनाउने बताएका छन् ।

आईतवार नेपाली कांग्रेस पार्टी केन्द्रीय कार्यालय सानेपामा भएको प्रजातन्त्र सेनानी संघको प्रशिक्षण कार्यक्रममा बोल्दै महामन्त्री थापाले पार्टीलाई आस्था र निष्ठाको केन्द्र बनाउने प्रतिवद्धता व्यक्त गरेका हुन् ।

उनले पार्टीभित्र भएका गल्ती तथा कमजोरीहरुलाई सच्याएर अग्रज नेता तथा कार्यकर्ताहरुले भरोसा गर्ने ठाउँमा पार्टीलाई पु¥याउने बताए ।

उनले पार्टीले गर्ने निर्णयहरुलाई शुद्ध र पवित्र राख्ने पनि बताए । उनले पार्टीभित्रको सुद्धिकरणको विषयलाई पनि आफुहरुले गम्भीरतापूर्वक लिएको बताए ।

उनले भने– ‘नेपाली काँग्रेस पार्टी अझ शुद्ध होस् । पार्टीको निर्णयहरुको पक्षमा चोक, चौतारामा मज्जाले वकालत गर्न पाइयोस् । बोल्न पाइयोस् । पार्टीले गर्ने निर्णयहरुको कारणले गर्दा तपाईहरुको कसैको शीर ननिहुरियोस् । कहाँ बसेर हामीले एउटा निर्णय गरेका हुन्छाँै त्यो निर्णय गलत भयो भने अथवा गलत व्यक्ति छानियो भनेदेखि गाउँमा बसेको एउटा कांग्रेसले अनावश्यक ढंगले त्यसको उत्तर दिँदै हिँड्नुपर्ने अवस्था आउँछ । त्यस्तो अवस्था नआओस् भन्ने तपाईहरुको चाहाना जुन छ, त्यसको निम्ति कतिपय कुराहरु परिणाममा पु¥याउन सकिएको होला । कतिपय कुरा परिणाममा पु¥याउन नसकिएको होला । तर प्रयत्न गर्ने कुरा छोडेको छैन । छोड्दैनौँ । यसलाई शुद्ध राख्ने, पवित्र राख्ने कुराको सन्दर्भमा यसलाई छोड्दैनौँ । पार्टी भित्रको शुद्धिकरणको विषयलाई गम्भिरतापूर्वक लिन्छौँ । गल्ती कमजोरीहरु सच्याएर पार्टीलाई भरोसा गर्ने ठाउँसम्म पु¥याउँछौँ । काँग्रेसलाई आस्थाको केन्द्र, निष्ठाको केन्द्र फेरि एकपटक बनाउनुपर्छ भन्ने तपाईहरुको चाहाना अनुसार त्यस्तो पार्टी बनाएरै छाड्छौँ ।’

उनले पार्टीले नेपाली काँग्रेसको कठिन समयमा पार्टी तथा आन्दोलनलाई जोगाउन भुमिका खेल्नुहुने अग्रजहरुलाई सम्मान गर्ने बताए ।