सिनामंगलको गेस्ट हाउसमा एक जोडी मृत फेला

काठमाडौं । काठमाडौंको सिनामंगल स्थित एक गेस्ट हाउसमा एक युवा र युवति मृत भेटिएका छन् ।

बाजुराको त्रिवेणी नगरपालिका–४ घर भएका २३ वर्षीय भरतबहादुर सार्की र सोही ठाउँकी २० वर्षीया करिष्मा सार्की मृत भेटिएका हुन् ।

उनीहरु तीन दिन अघि सिनामंगलको झर्ना गेस्ट हाउसमा बस्न गएका थिए ।

जिल्ला प्रहरी परिसर काठमाडौँका प्रवक्ता एसपी नवराज अधिकारीका अनुसार आज दिउँसोसम्म पनि खाना खान नआएपछि शङ्का लागेर होटेलका कर्मचारीले प्रहरीलाई खबर गरेका थिए ।

सूचना पाए लगत्तै प्रहरीले ढोका खोलेर हेर्दा दुवै जना मृत अवस्थामा भेटिएका प्रहरीले जनाएको छ ।

घटनाबारे थप अनुसन्धान सुरु गरिएको एसपी अधिकारीले जानकारी दिए ।