निलम्बित न्यायाधीश भुवन गिरी कारागार चलान
मकालु खबर
२०८१ वैशाख ३ गते
काठमाडौं । वैवाहिक जबरजस्ती करणीको आरोप लागेका निलम्बित जिल्ला न्यायाधीश भुवन गिरी कारागार चलान भएका छन् ।
उनलाई जिल्ला अदालत काठमाडौंले कारागार कार्यालय डिल्लीबजारमा चलान गरेको हो ।
गत चैत २१ गते सर्वोच्च अदालतका न्यायाधीशद्वय हरिप्रसाद फुयाँल र तिलप्रसाद श्रेष्ठको संयुक्त इजलासले जिल्ला अदालत काठमाडौँ र उच्च अदालत पाटनको आदेश बदर हुने ठहर गरी गिरीलाई थुनामा पठाउन आदेश गरेको थियो ।
जिल्ला अदालत काठमाडौँ र उच्च अदालत पाटनले निलम्बित न्यायाधीश गिरीलाई धरौटीमा छाड्न आदेश गरेको थियो । सर्वोच्च अदालतले उक्त आदेशलाई बदर गरिदिएको थियो ।
गिरीको पत्नीले आफूमाथि बलात्कार भएको उल्लेख गर्दै जाहेरी दिएपछि प्रहरीले निलम्बित न्यायाधीश गिरीलाई पक्राउ गरी अनुसन्धान गरिरहेको छ ।
मकालु खबर
२०८१ वैशाख ३ गते
प्रतिक्रिया
सम्बन्धित