गृहमन्त्रीको निर्देशनपछि प्रहरीका पेट्रोलपम्प २४ सै घण्टा सञ्चालन
मकालु खबर
काठमाडौँ । नेपाल प्रहरीद्वारा सञ्चालित पेट्रोल पम्पहरू अब २४ सै घण्टा सञ्चालन हुने भएका छन् ।
उपप्रधानमन्त्री एवं गृहमन्त्री रवि लामिछानेको निर्देशनपछि नेपाल प्रहरी र सशस्त्र प्रहरी बलद्वारा सञ्चालित नेपाल प्रहरीको केन्द्रीय कार्यालय नक्साल, सशस्त्र प्रहरी बलको प्रधान कार्यालय हल्चोक र कास्कीको पोखरामा सञ्चालित पेट्रोलपम्प अबदेखि २४ सै घण्टा सञ्चालन हुने भएका हुन् ।
उपप्रधानमन्त्री लामिछानेले पेट्रोलपम्प २४ सै घण्टा खुला गर्न आदेश दिनुभएसँगै आजदेखि पम्पहरू खुला रहने नेपाल प्रहरीका केन्द्रीय प्रहरी प्रवक्ता तथा प्रहरी नायब महानिरीक्षक भीमप्रसाद ढकालले जानकारी दिए । यसअघि प्रहरीद्वारा सञ्चालित पेट्रोलपम्पहरू विहान ६ बजेदेखि राति ११ बजेसम्म सञ्चालित हुँदै आएका थिए ।
उनले भने, ‘मन्त्रीज्यूले २४ सैँ घण्टा खुला गर्न आदेश दिनु भएसँगै हामीले पेट्रोलपम्प पम्प खुला गरेका छौँ ।’
मकालु खबरOne thought on “गृहमन्त्रीको निर्देशनपछि प्रहरीका पेट्रोलपम्प २४ सै घण्टा सञ्चालन”
Leave a Reply
Mero citizenship ma Ra date of birth certificate ma Birth date change chha Ani school certificate ma Ra birth date certificate same birthday date same chha sir