स्वर्णिमलाई नागिनाको जवाफ– प्रधानमन्त्री बनाउँदैनौं, भागीभागी नहिँड्नुस् (भिडिओ)
मकालु खबर
काठमाडौं । नेपाली कांग्रेसका सांसद नागिना यादवले राष्ट्रिय स्वतन्त्र पार्टी (रास्वपा)का सांसद स्वर्णिम वाग्लेलाई भागीभागी नहिँड्न आग्रह गरेकी छन् ।
बिहीबारको प्रतिनिधिसभा बैठकमा उनले कांग्रेसमा प्रधानमन्त्री बन्नका लागि समक्ष युवा भएको बताइन् ।
‘के कांग्रेसमा त्यस्ता विद्धान र युवा साथी छैनन् ? कांग्रेसले उहाँलाई खोजी खोजी प्रधानमन्त्री बनाउँछ ?,’ उनले भनिन्, ‘भागीभागी नहिँड्नुुस्, । कांग्रेसमा त्यस्तै टन्ने युवा छन् ।’
उनले कांग्रेसका युवा सांसदबारे जानकारी नभएर संसद् सचिवालयले निकालेको पुस्तकमा योग्यता हेर्नु भन्दै कटाक्ष गरिन् ।
यादवले कांग्रेसले नै वाग्लेलाई पद, संस्कार दिए पनि टिकटका लागि पार्टी छाडेको भन्दै आक्रोश पोखिन् ।
‘कांग्रेसले उहाँलाई बनाइदिएको हो । ठूला ठूला पद, संस्कार र शिक्षा दिएर बनाइसकेपछि उहाँ बुरुक्क उफ्रेर भाग्नुभयो,’ उनले भनिन् ।
बुधबारको प्रतिनिधिसभा बैठकमा वाग्लेले प्रधानमन्त्री देलान् भनेर भागीभागी हिँड्नुपर्ने अवस्था आएको बताएका थिए ।
मकालु खबर
