रवि लामिछानेले मागे सरकारसँग यी चर्चित काण्डको जवाफ

रवि लामिछानेले मागे सरकारसँग यी चर्चित काण्डको जवाफ

राष्ट्रिय स्वतन्त्र पाटीृका सभापति रवि लामिछानेले सरकारसँग चर्चित ८ वटा काण्डको बारेमा जवाफ माग गरेका छन्।

शनिबार साँझ सामाजिक सञ्जालमा पोष्ट गर्दै उनले नक्कली भुटानी शरणार्थी काण्डदेखि वाइडबडी, यती काण्ड, ओम्नी काण्ड, गिरि बन्धु काण्डका फाइल थन्क्याएको भन्दै जवाफ माग गरेका छन्।

रास्वपाले आजबाट आन्दोलन सुरु गरेको र अब नरोकिने चेतावनी लामिछानेले दिएका छन्।

रवि लामिछानेले लेखेका छन्:

जवाफ चाहियो सरकार

• नक्कली भुटानी शरणार्थी प्रकरणमा दोषी उम्काउने?

• ललिता निवास काण्डमा दोषी उम्काउने?

• सुन काण्डमा तस्करहरू रोजी रोजी जोगाउने ?

• एनसेल प्रकरणमा मिलेमतो गरी राज्यलाई ठग्ने?

• टेराम्याक्स घोटालामा संलग्नलाई कारबाही नगर्ने?

• वाइडवडी खरिद काण्ड, यती काण्ड, ओम्नी काण्ड, गिरि बन्धु काण्डका फाइल थन्क्याउने ?

• नारायणघाट -बुटवल, मुग्लिन- पोखरा लगायतका सडकहरू वर्षौँ अलपत्र पारि जनतालाई धुलोमा डुबाउने ?

• प्रधानमन्त्री र मन्त्री भने करोडौँ खर्चमा जहाजमा विदेश, हेलिकप्टरमा स्वदेश सयर गर्ने ?

यी त सरकारका नालायकीपनका केही प्रतिनिधि काण्ड हुन ।