पोखरामा रास्वपा सभापति रवि लामिछानेमाथि खोया प्रहार, एकजना पक्राउ
मकालु खबर २०८० पुस ७ गते
पोखरा । पोखरामा अमरसिंहचौरस्थित खेल मैदानमा चलिरहेको सभालाई सम्बोधन गरिरहेका राष्ट्रिय स्वतन्त्र पार्टीका सभापति रवि लामिछानेमाथि खोया प्रहार भएको छ ।
एक युवकले उनलाई खोया प्रहार गरेका हुन् ।
सहभागीहरूका अनुसार उनी बोल्दै गर्दा अगाडीबाट खोयाले हानिएको हो ।
उक्त व्यक्तिलाई प्रहरीले पक्राउ गरेको छ ।
कास्की प्रहरी प्रमुख एसपी मोहनबहादुर थापाले लमजुङ घर भई पोखरा बस्दै आएका २८ वर्षीय सन्तोष रानाभाटलाई नियन्त्रणमा लिएको बताए ।
मकै खाँदै गरेका युवकले खोया फाल्ने क्रममा झुक्किएर स्टेजतिर गएको थापाले बताए ।
उनले भने ‘उनी मकै खाएर बसेका रहेछन् । खोया फाल्ने क्रममा स्टेजतिर गएको भन्ने छ, कार्यकर्ताले चाहिँ ढुङ्गा हानेको भनेर आक्रमण गरेछन् । उनी हाम्रो नियन्त्रणमा छन् ।’
प्रत्यक्षदर्शी सौगात पोखरेलले भने उनले ताकेरै लामिछानेलाई प्रहार गरेको बताएका छन् ।
मकालु खबर २०८० पुस ७ गते
प्रतिक्रिया
सम्बन्धित
