कर्नेल यादवको १९ लाख ४२ हजार चोरी, २ जना पक्राउ
![](https://www.makalukhabar.com/wp-content/uploads/2023/10/Final-icon-Logo-2023.png)
२०८० मंसिर १४ गते
![कर्नेल यादवको १९ लाख ४२ हजार चोरी, २ जना पक्राउ](https://www.makalukhabar.com/wp-content/uploads/2023/05/chori-.jpg)
काठमाडौं । नेपाली सेनाका कर्नेल कामेश्वर यादवको घरमा चोरी गरेको आरोपमा २ जना पक्राउ परेका छन् ।
मंसिर ४ मा भएको चोरीमा संलग्नको आरोपमा प्रहरीले प्रेमबहादुर तामाङ र अम्बरबहादुर तामाङलाई पक्राउ गरेको हो । प्रहरीका अनुसार दुवैले ललितपुर भैँसेपाटीस्थित यादवको घर र उनकै घरमा डेरा लिएर बसेका शोभा ढकालको कोठामा चोरी गरेका थिए ।
अमेरिकी डलर, भारु र नेपाली रुपैयाँका साथै सुन र चाँदीका गहना गरेर १९ लाख ४२ हजार ६०० बराबरको धनमाल चोरी भएको थियो ।
चोरी भएको रकममध्ये केही डलर र भारुका साथै केही सामान बरामद भएको छ । साथै घटनाबारे अनुसन्धान भइरहेको जिल्ला प्रहरी कार्यालय, ललितपुरले जनाएको छ ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८० मंसिर १४ गते
प्रतिक्रिया
सम्बन्धित