‘राष्ट्रिय मर्यादा सम्बन्धी विधेयक, २०७९’ मङ्गलवारको संसद बैठकमा पेस गरिने
मकालु खबर
काठमाडौँ । विधायन व्यवस्थापन समितिले बनाएको उपसमितिको बैठकले राष्ट्रिय मर्यादा सम्बन्धी विधेयक, २०७९ मङ्गलवारको संसद बैठकमा प्रस्तुत गर्ने निर्णय गरेको छ ।
सोमवार सिंहदरबारमा बसेको समितिको बैठकमा उपसमितिले विधेयक प्रस्तुत गरेसँगै समितिको बैठकमा छलफल गरी यस्तो निर्णय गरेको हो ।
बैठकले मङ्गलवार बस्ने राष्ट्रिय सभाको बैठकमा राष्ट्रिय मर्यादा सम्बन्धी विधेयक, २०७९ माथिको प्रतिवेदन बैठकमा प्रस्तुत गर्ने निर्णय गरेको समिति सभापति जयन्तीदेवी राईले बताइन् ।
राष्ट्रिय मर्यादा सम्बन्धी विधेयक, २०७९ माथि समितिमा आज छलफल भएको हो । छलफलपछि समितिका निर्णय सुनाउँदै उनले यो विधेयक अगाडि नै आउनुपर्ने भएपनि ढिलो गरेर भएपनि आएको बताइन् ।
उनले छलफल उपलब्धिमूलक भएको र विधेयकको प्रतिवेदन मङ्गलवारको संसद बैठकमा पेस हुने बताइन् ।
समिति सभापति राईले विधेयकको छलफल सकारात्मक भएको बताइन् ।
मकालु खबर
