शीतल निवासमा सर्वदलीय बैठक सुरु, गएन एमाले

काठमाडौं । राष्ट्रपति रामचन्द्र पौडेलले शीतल निवासमा बोलाएको सर्वदलीय बैठक सुरु भएको छ । पूर्वनिर्धारित कार्यक्रमबमोजिम राष्ट्रपतिले बोलाएको बैठक ढिलोगरी सुरु भएको हो ।

बैठकमा प्रमुख प्रतिपक्षी दल नेकपा एमाले बाहेकका दलहरू सहभागी छन् । राष्ट्रपतिले संविधान विपरीत अनावश्यक सक्रियता देखाएकाले पार्टीबाट कोही पनि बैठकमा सहभागी नभएको एमाले उपाध्यक्ष एवं संसदीय दलका उपनेता सुवासचन्द्र नेम्वाङले बताए ।