सुर्खेत उडेको बुद्धको जहाजमा समस्या, बिचबाटोबाटै फर्कियो काठमाडौँ

काठमाडौँ । काठमाडौँबाट सुर्खेतका लागि उडेको बुद्ध एयरको जहाज बिचबाटोबाटै फर्किएको छ । एयरको यु ४१३३ जहाजको इन्डिकेटरमा समस्या आएपछि जहाज पुनः काठमाडौँ  फर्किएको हो ।

जहाज सुरक्षित रूपमा त्रिभुवन अन्तर्राष्ट्रिय विमानस्थलमा ल्याण्ड भएको छ । अहिले प्राविधिक टोलीले जाँच गरिरहेको बुद्ध एयरले जनाएको छ ।