मेरो प्रतिबद्धता, शिक्षकको दरबन्दी समायोजन देखि पाठ्यपुस्तक व्यवस्था सम्म : शिक्षामन्त्री खनाल (भिडिओ)
मकालु खबर
काठमाडौँ । नवनियुक्त शिक्षा, विज्ञान तथा प्रविधिमन्त्री शिशिर खनालले पदभार ग्रहण गरेका छन् ।
मन्त्री खनालले सिंहदरबारस्थित मन्त्रालय पुगेर पदभार ग्रहण गर्दै मुलुकको शैक्षिक गुणस्तर सुधारका लागि चाहिने आवश्यक नीति तथा कार्यक्रम छिट्टै ल्याउने बताए ।
शिक्षा क्षेत्रमा यसअघि काम गरेको आफ्नो अनुभवसमेतका आधारमा मुलुकको शैक्षिक गुणस्तर सुधारका पक्षमा आवश्यक नीति तथा कार्यक्रम ल्याउने उनले बताए । उनले सङ्घीय शिक्षा ऐन र विश्वविद्यालय छाता ऐन ल्याउन आवश्यक प्रक्रिया अघि बढाइने प्रतिबद्धता व्यक्त गरे । शिक्षामन्त्री खनालले विद्यालयमा शिक्षकको दरबन्दी समायोजनसहित समयमा नै आवश्यक पाठ्यपुस्तक व्यवस्था गर्ने बताए ।
त्यस्तै, उनले कोभिडपछिको सिकाइ र भोगाइका आधारमा शिक्षा क्षेत्रको समग्र विकास एवम् गुणस्तर सुधारका पक्षमा आवश्यक नीतिगत व्यवस्था गर्ने जानकारी दिए ।
मेरो प्रतिबद्धता शिक्षकको दरबन्दी समायोजन देखि पाठ्यपुस्तक व्यवस्था सम्म : शिक्षामन्त्री खनाल pic.twitter.com/YLdAh7L3Oy
— Makalu Khabar (@makalukhabar) January 17, 2023
मकालु खबर
