जनमत पार्टीको संसदीय दलको नेतामा डा. सीके राउत चयन
मकालु खबर
२०७९ पुस ४ गते
काठमाडौँ । जनमत पार्टीको संसदीय दलको नेतामा अध्यक्ष डा. सिके राउत चयन भएका छन् । आइतबार काठमाडौंको बुद्धनगरस्थित पार्टी कार्यालयमा बसेको सांसदहरूको बैठकले सर्वसम्मत रूपमा दलको नेतामा राउत चयन भएका हुन् ।
दलको उपनेता र प्रमुख सचेतक चयन गर्न आज सोमबार पुनः १० बजे बैठक बोलाइएको जनमतका नेता बिपी साहले जानकारी दिएका छन् । राउत सप्तरी क्षेत्र नं. २ बाट जसपा अध्यक्ष उपेन्द्र यादवलाई दोब्बर बढी मतले पराजित गर्दै जितेका हुन् । जनमतका ६ सांसद छन् । राउत प्रत्यक्ष र अरू पाँच जना समानुपातिक प्रणालीबाट चयन भएका हुन् ।
मकालु खबर
२०७९ पुस ४ गते
प्रतिक्रिया
सम्बन्धित