समानुपातिक सूची सच्याउँदै कांग्रेस

काठमाडौँ । नेपाली कांग्रेसले समानुपातिक सूची सच्याउँने भएको छ । कांग्रेसले निर्वाचन आयोगमा बुझाएको समानुपातिक निर्वाचन प्रणाली अन्तर्गतको बन्दसूची सच्याउँने भएको हो ।

बन्दसूची सच्याउन प्रधानमन्त्री एवम् सभापति शेरबहादुर देउवाले पदाधिकारी बैठक बोलाएका छन्।

यसअघि असोज ३ गते बुझाइएको बन्दसूची एकलौटी भएको भन्दै संस्थापनइतर समूहले आपत्ति जनाएको थियो।

प्रधानमन्त्रीको सरकारी निवास बालुवाटारमा जारी बैठकमा समानुपातिकको बन्दसूची सच्याइरहेको एक पदाधिकारीनिकट स्रोतले जानकारी दिएको छ।

सभापति देउवाले बिहीबार पनि बन्दसूची संशोधनका लागि पदाधिकारी बैठक बोलाएका थिए।

उक्त बैठकमा शुक्रबारसम्म बन्दसूची संशोधन गरेर आयोगमा बुझाउने सहमति भएको बताइएको छ।