क्रोएसिया नेसन्स लिगको फाइनल फोरमा

काठमाडौँ । यूईएफए नेसन्स लिग फुटबलमा क्रोएसियाले सहज जित निकालेको छ । आइतबार राति भएको खेल क्रोएसियाले अष्ट्रियालाई ३-१ गोल अन्तरले हराएको हो ।

खेलको छैटौँ मिनेटमा लुका मोड्रिचले गोल गर्दै क्रोएसियालाई सुरुआती अग्रता दिलाएका थिए । नवौं मिनेटमा क्रिस्टोफले गोल गर्दै अष्ट्रियालाई १-१ गोलको बराबरीमा ल्याए ।

६९ औं मिनेटमा मार्को लिभाजाले गोल गर्दै क्रोएसियालाई २-१ को स्थितिमा ल्याए । त्यसपछि खेलको ७२ औं मिनेटमा डेजान लोभ्रेनले गोल गर्दै क्रोएसियालाई ३-१ को जित दिलाए ।

यस जितसँगै लिग ए समूह १ को क्रोएसियाले ६ खेलमा १३ अंक जोडेको छ । क्रोएसियाले नेसन्स लिगको फाइननलमा स्थान पक्का गरेको छ । अष्ट्रिया ४ अंक जोडेर पुछारमा रहँदै रेलिगेसनमा परेको छ ।

प्रतिक्रिया

Leave a Reply

Your email address will not be published. Required fields are marked *