साम्स् कप–२०७९ को उपाधि सैनिक आवासीयलाई

सुर्खेत । सुर्खेतको सैनिक आवासीय महाविद्यालयले आयोजना गरेको’साम्स् कप–२०७९’ शनिबार सम्पन्न भएको छ। अतिरिक्त शैक्षिक क्रियाकलाप विभागको सजिकरण तथा खेलकुद शिक्षक उत्तम खड्काको संयोजकत्वमा असोज ५ गते बुधबारबाट ‘साम्स् कप’ सुरु भएको थियो।

सैनिक आवासीय महाविद्यालय द्वारा आयोजित वीरेन्द्रनगरका अन्तर माध्यमिक विद्यालय स्तरीय फुटबल प्रतियोगितामा ११ विद्यालयका १२ टिम सहभागी भएका थिए। उपाधि विजेताका लागि शनिबार भएको सैनिक आवासीय महाविद्यालय र ईगरब्रीज माध्यमिक विद्यालय बीच भएको खेलमा सैनिक आवासीय महाविद्यालय ४–० ले विजयी भएको छ।

समापन सत्रको कार्यक्रमको उद्घाटन पश्चिम कमाण्ड हेडक्वाटरका कमाण्ड सेनापति तथा सैनिक आवासीय महाविद्यालय सञ्चालक समिति अध्यक्ष एवम् कार्यक्रमका प्रमुख अतिथि उपरथी हिरालाल जोशीले कार्यक्रममा बोल्दै उनले खेलको आयोजना गरेकोमा सैनिक स्कुललाई तथा खेलाडी विद्यार्थीले देखाएको अनुशासन लागि धन्यवाद व्यक्त गर्दै आगामी दिनमा पनि यस्ता कार्यक्रमहरू हुनुपर्ने उनको भनाई छ।

साम्स् कप – २०७९को उपाधि सैनिकलाई 

साम्स् कप–२०७९ को उपाधि सैनिक आवासीय महाविद्यालयले जितेको छ। शनिबार भएको अन्तिम खेलमा ईगरब्रीज आवासीय माध्यमिक विद्यालयलाई ४–० गोलले पराजित गर्दै सैनिक आवासीयले उपाधि हात पारेको हो।

ईगरब्रीजलाई ४–० मा पराजित गर्न सैनिक आवासीयका खेलाडी सुशील वलीले खेलको पहिलो हाफमा २ गोल गर्दै २–० को अग्रता बनाए। यस्तै दोस्रो हाफमा सैनिक आवासीयकै खेलाडी भरत रानाले २ गोल थप्दै खेलको अग्रता बढाए।

खेलको अन्तिम समयसम्म दबाबमा रहेको ईगरब्रीजले कुनै गोल फर्काउन नसक्दा साम्स् कप को उपाधि सैनिक आवासीय महाविद्यालयले जित्यो। साथै, ईगरब्रीज माध्यमिक विद्यालय उपविजेता बन्यो।

यसअघि सैनिक आवासीयले आदर्श मेमोरियल सेकेण्डरी स्कुल, जन नमुना माध्यमिक विद्यालय र उषा वालबाटीका तथा ईगरब्रीजले साउथ एसिएन स्कलर्स एकेडेमी, सैनिक आवासीय महाविद्यालय ‘बी’ र कोपिला भ्याली स्कुललाई पराजित गर्दै फाइनलमा पुगेका थिए।

साम्स् कप-२०७९ को विजेता अवार्ड सैनिक आवासीय महाविद्यालयलाई र उपविजेता अवार्ड ईगरव्रीज माध्यमिक विद्यालयलाई प्रदान गरिएको छ। यस्तै निष्पक्ष खेलको अवार्ड कोपिला भ्यालीले प्राप्त गरेको छ।

साथै, उत्कृष्ट खेलाडी अवार्ड सैनिक आवासीयका वीरेन्द्र थापा, उत्कृष्ट गोलरक्षक अवार्ड सैनिक आवासीयका युवक थापा, राईजिङ्ग प्लेयर अवार्ड ईगरव्रीजका चेतन थापा र खेलका सबैभन्दा धेरै ७ गोल गर्ने सैनिक आवासीयका सुशील वलीले धेरै गोल गर्ने अवार्ड पाएका हुन्।