माओवादीले समानुपातिक उम्मेदवारको नाम सोमबारमात्रै बुझाउने

काठमाडौँ । माओवादीले समानुपातिक उम्मेदवारको नाम सोमबारमात्रै बुझाउने भएको छ । नेकपा माओवादी केन्द्रले सोमबार मात्र समानुपातिक उम्मेदवारको नाम निर्वाचन आयोगमा बुझाउने तयारी गरेको हो ।

आइतबार विहान पार्टी कार्यालय पेरिसडाँडामा बसेको पदाधिकारी बैठकमा मधेस प्रदेशमा उम्मेदवार छान्न सकस परेको र अन्य प्रदेशबाट समेत बढी सिफारिस भएपछि थप छलफल गर्ने बाकि रहेको बताईको छ ।

समानुपातिकको लागि माओवादीका आकांक्षी कति छन् भन्ने कुरा सार्वजनिक गरिएको छैन।

माओवादीको समानुपातिक नामबारे अन्तिम खाका बनाउने जिम्मा महासचिव देव गुरुङ, वर्षमान पुन, गिरिराजमणि पोखरेल र शक्ति बस्नेतलाई दिइएको छ।