मापसे गरी स्कुल बस चलाउने ६ जना चालक कारबाहीमा

काठमाडौँ । मादक पदार्थ सेवन (मापसे) गरी स्कुल बस चलाउने ६ जना चालकलाई ट्राफिक प्रहरीले कारबाही गरेको छ ।

आइतवार बिहान प्रहरीले चेकजाँच गर्दा मापसे गरी स्कुल बस चलाउने ६ जना चालकहरू कारबाहीमा परेका हुन् ।

उपत्यकाका विभिन्न स्थानमा गरेको चेकिङमा १४ वटा स्कुल बसका चालक कारबाहीमा परेका थिए । जसमध्ये ६ जनाले भने मापसे गरेको पाएको हो ।

कार्यालयले साउन ८ गतेदेखि स्कुल बस निर्देशिका २०७४ विपरीत ट्राफिक नियम उल्लंघन गर्ने विभिन्न स्कुलका सवारी साधनहरूलाई कारबाही तथा सचेत गराउने अभियान थालेको थियो ।