सिन्धुपाल्चोकमा भारी वर्षा, मेलम्चीमा बढ्यो बहाव
मकालु खबर
काठमाडौँ । सिन्धुपाल्चोकको गुम्थाङ, धाप, नाकोते र आसपासमा भारी वर्षा मापन गरिएको छ । पछिल्लो ६ घण्टादेखि भारी वर्षा मापन भइरहेको जल तथा मौसम विभागले जानकारी दिएको छ ।
भारी वर्षाका कारण मेलम्ची नदीको जलसतह बढ्दो रहेको विभागले जनाएको छ । सिन्धुपाल्चोकको मेलम्ची, बलेफी र अन्य साना खोलामा आकस्मिक बाढीको सम्भावना रहेकाले उच्च सतर्कता अपनाउन आग्रह गरिएको छ ।
हेलम्बु गाउँपालिका र मेलम्ची नगरपालिकाका विभिन्न वडाहरूमा बाढी बढेपछि सुरक्षा सतर्कता अपनाइएको छ । मेलम्ची नगरपालिकाका मेयर आइतमान तामाङका अनुसार हेलम्बु गाउँपालिका-१ हुँदै आउने खोलाको बहाव बढेको हो । तामाङले सुरक्षा सतर्कता अपनाउन स्थानीयलाई आग्रह गरेका छन् ।
SMS
साउन२१बिहान ४बजे
सिन्धुपाल्चोक जिल्लाको गुम्थाङ,धाप,नकोटे रआसपास पछिल्लो ३-६ घण्टा भारी बर्षा मापन,मेलम्चीको जलसतह बढ्दो छ,सिन्धुपाल्चोक जिल्लाको मेलम्ची,बलेफि र साना खोलामा आकस्मिक बाढी हुनुका साथै कमजोर भिरालो जमिनमा पहिरोको जोखिम हुन सक्छ,१०बजे सम्म अति उच्च सतर्कता अपनाऔ pic.twitter.com/gfft773iE9— Nepal Flood Alert! नेपाल बाढी सूचना! (@DHM_FloodEWS) August 5, 2022
मकालु खबर
