अलग्गिए उपेन्द्र र बाबुराम

काठमाडौँ । जनता समाजवादी पार्टी(जसपा)का कार्यकारिणी अध्यक्ष उपेन्द्र यादव समूहको बैठक आजबाट मधेश प्रदेशको पर्साको वीरगन्जमा बस्दैछ ।

यादव बैठकका लागि हिजै वीरगन्ज पुगिसकेका छन् । वीरगन्जको बैठकको लागि वरिष्ठ नेता अशोक राई पनि पुगिसकेका छन् ।

काठमाडौँमा मंगलबारबाट जसपा संघीय परिषद् अध्यक्ष बाबुराम भट्टराई समूहको बैठक जारी छ । बाबुरामले जसपा नफुट्ने तर यादवसमूहले एकलौटी गरेकाले आफूहरूले बैठक बोलाएको बताएका छन् ।

यादव समूहले जसपाको आधिकारिक बैठक वीरगन्जको बैठक रहेको बताएको छ । यादव समूहको बैठक भोलिसम्म चल्ने छ भने भट्टराई समूहको बैठक भने आजै सकिने कार्यसूची छ ।