६८ वर्षदेखि नै वृद्धभत्ता दिने निर्णय गलत छ, म भत्ता लिन्न : बाबुराम भट्टराई

काठमाडौँ । पूर्वप्रधानमन्त्री एवं जनता समाजवादी पार्टीका अध्यक्ष डा. बाबुराम भट्टराईले वृद्धभत्ता नलिने घोषणा गरेका छन् ।

सरकारले ल्याएको बजेटबारे संसद परिसरमा प्रतिक्रिया दिँदै उनले बजेटमा आगामी आर्थिक वर्षदेखि लागू गर्न लागिएको ६८ वर्षदेखि वृद्धभत्ता दिने निर्णय गलत भएको बताए ।

उनले भने, ‘अब म पनि ६८ वर्ष पुग्दैछु,गरिब देशको नागरिकले ६८ वर्षदेखि वृद्धभत्ता लिन मेरो नैतिकताले दिएन, त्यसैले म वृद्धभत्ता नलिने घोषणा गर्छु ।’

समग्रमा बजेट सकारात्मक रहेकाे बताउँदै उनले सामाजिक सुरक्षामा धेरै जोड दिनु गलत भएको बताए ।