साढे ९ हजार नेपाली श्रमिक कोरिया जाँदै
काठमाडौँ । दुई वर्षदेखि स्थगित कोरियन भाषाको परीक्षा यहि महिनाबाट सञ्चालन हुने भएको छ । स्थानीय तहको निर्वाचन कारण स्थगित भएको भाषाको परीक्षा यही २६ गतेदेखि ३ असारसम्म सञ्चालन गर्न लागिएको हो ।
२६ वैशाख २६ गते सञ्चालन हुने गरी यसअघि मिति तोकिएका भएपनि स्थानीय तह निर्वाचनका कारण स्थगित भएको परीक्षा तीन सिफ्टमा सञ्चालन हुनेछन् । वैदेशिक रोजगार विभाग अन्तर्गतको रोजगारी अनुमति प्रणाली शाखाका अनुसार दैनिक ६ सय परीक्षार्थीलाई परीक्षा दिन मिल्ने गरी विभागले तयारी गरिरहेको छ ।
कोरियन भाषा परीक्षामा उत्तीणर्हरूमध्ये ६ हजार ९९३ उत्पादनमूलक क्षेत्रमा र २ हजार ७४१ गरी ९ हजार ५१३ नेपालीहरूलाई यसै वर्ष दक्षिण कोरिया पठाउने गरी परीक्षा लिन लागिएको हो । वैदेशिक रोजगारका लागि आकर्षक मानिएको दक्षिण कोरियामा जानका लागि ४३ हजार भन्दा बढीले आवेदन दिएको विभागले जनाएको छ ।
हालसम्म ७७ हजार नेपालीले कोरियामा रोजगार प्राप्त गरिसकेका छन् भने पछिल्ला दुई वर्षमा विश्वव्यापी महामारी कोरोना सङ्क्रमणका कारण परीक्षा हुन नसके पनि सन २०२२ मा भने नेपालीलाई लान कोरिया मञ्जुर देखिएपछि परीक्षा शुरु गर्न लागिएको हो ।