अब चामल निर्यातमा पनि प्रतिबन्ध लगाउने भारतको तयारी, नेपाली बजार प्रभावित हुने
काठमाडौँ । भारतले अब चामल निर्यातमा समेत प्रतिबन्ध लगाउने तयारी गरेको छ । उत्पादन कम भएको र मूल्य बढेको भन्द गहुँ र चिनीको निर्यातमा रोक लगाइसकेको भारतले अब चामल पनि प्रतिबन्ध लगाउने तयारी गरेको हो ।
चामलको आपूर्तिमा समेत आन्तरिक बजारमा समस्या आएको तथा मूल्यवृद्धि उच्च भएको भन्दै भारतले विदेशमा निर्यात गर्न रोक लगाउने तयारी गरेको इकोनोमिक टाइम्सले जनाएको छ ।
याे पनि – भारतले गहुँ र चिनी निर्यात रोक्दा नेपाली बजार प्रभावित
भारतको प्रधनमन्त्री कार्यालय एक उच्च स्तरीय कमिटि बनार उत्पादित खाद्यान्नको आपूर्ति र उपलब्धताको अध्ययन गरेर अब चामल निर्यातमा प्रतिबन्ध लगाउने तयारी गरेको हो । भारतमा हाल उपभोग्य वस्तुको मूल्य वृद्धि उच्च भएको छ । चामलको मूल्य पनि यही रुपमा बढे निर्यात प्रतिबन्ध गर्ने भएको हो ।
याे पनि– गहुँ निर्यातमा भारतले लगायो प्रतिबन्ध, नेपालमा के पर्ला असर ?
भारतमा चामल निर्यातमा प्रतिबन्ध गरे नेपालमा समेत चामलको आपूर्तिमा समस्या आउने र मूल्यमा चाप पर्ने देखिन्छ ।