वडा नम्बर २७ मा झण्डै १७ सय मत गन्दा बालेनलाई २८३ मत मात्रै
मकालु खबर २०७९ जेठ ६ गते
काठमाडौँ । काठमाडाैँ महानगरपालिकामा सुरुदेखि नै अग्रता लिइरहेका स्वतन्त्र उम्मेदवार बालेन्द्र शाहको मत वडा नम्बर २७ मा कम देखिएकाे छ ।
अन्य वडामा ठूलाे मतान्तरसहित अग्रता लिइरहेका बालेनले वडा नं. २७ मा आइपुगेपछि बालेनको मत घटेकाे देखिएकाे हाे ।
यो वडामा उनी एमालेका उम्मेदवार केशव स्थापितभन्दा दोब्बर मतले बालेन पछाडि छन् । स्थापितले ५ सय ३५ मत प्राप्त गरेका छन्।
कांग्रेस उम्मेदवार सिर्जना सिंहले यो वडामा ३ सय ६५ मत प्राप्त गरेकी छन् । काठमाडौं महानगरपालिकामा ७८ हजार ३ सय ६० मतगणना भइसकेको छ।
अहिले वडा नम्बर ६, ७, ८, ९, २५, २६, २७, २९ र ३१ मा गणना भइरहेको निर्वाचन अधिकृतको कार्यालयले जनाएको छ ।
मकालु खबर २०७९ जेठ ६ गते
प्रतिक्रिया
सम्बन्धित
