आर्सनलको वाटफोर्डमाथि १-० को जित
मकालु खबर
२०७८ कार्तिक २२ गते
काठमाडौँ । इङलिश प्रिमियर लिग अन्तर्गत आर्सनलले वाटफोर्डमाथि जित हासिल गरेको छ । आइतबार सम्पन्न खेलमा आर्सनलले वाटफोर्डलाई १-० गोल अन्तरले पराजित गरेको हो ।
आर्सनलको जितमा एमिले स्मिथ रोवले खेलको ५६औँ मिनेटमा गरेको गोल खेलको निर्णायक गोल बनेको थियो । यस खेलमा वाटफोर्डका जुराज कुकाले खेलको ८९औँ मिनेटमा रातो कार्ड पाएपछि १० खेलाडीमा सीमित भएको थियो ।
यो जितपछि आर्सनलको ११ खेलमा २० अंक भएको छ र लिगमा पाँचौँ स्थानमा उक्लिएको छ । त्यस्तै वाटफोर्डको भने ११ खेलमा १० अंक रहेको छ र लिगमा १७औँ स्थानमा रहेको छ ।
मकालु खबर
२०७८ कार्तिक २२ गते
प्रतिक्रिया
सम्बन्धित