‘काले’लाई सम्झेर पारस भावुक

काठमाडौँ । नेपाली राष्ट्रिय क्रिकेट टिमका पूर्वकप्तान पारस खड्काले त्रिवि मैदान कीर्तिपुरको नेपाली टिमको साथीजस्तै बनेको कुकुर ‘काले’लाई सम्झेर भावुक भएका छन् ।

केही वर्षदेखि कीर्तिपुरमा नेपाली क्रिकेटरहरूको साथी र अभिभावक जस्तै रहेको काले आज एक दुर्घटनामा मृत्यु खबर सुनेपछि आफू दुःखी भएको पारसले जनाएका छन् ।

शुरुमा मैदान बाहिरै बस्ने काले बिस्तारै क्रिकेटहरूको साथी बनेको थियो । क्रिकेटरले आफूले खाना खुवाउन थालेपछि काले कीर्तिपुर मैदानमै बस्न थालेको थियो । उनीहरू अभ्यासका लागि मैदानमा पुग्दा सधैँ नै काले सँगै हुने गरेको खेलाडीहरू बताउँछन् ।

मंगलबार बिहान भएको दुर्घटनामा काले मरेको थाहा पाएपछि पारस भावुक भएका हुन् ।
ट्वीट गर्दै पारसले लेखेका छन्‚ ‘त्रिवि मैदानमा अभिभावक झैँ हामीलाई रखवारी गर्ने एन्जेल ‘काले’लाई बिदा भन्नुपर्ने भएको छ । दुःखद दुर्घटनामा परेर आज काले बित्यो । लभ यू काले । हामी सम्झिरहनेछौँ ।’

With a heavy heart,we say goodbye to one of our guardian angels at the TU grounds today as he met with an unfortunate accident.
KAALE,We LOVE YOU and we will MISS YOU ..❤️❤️ pic.twitter.com/5qk4R1TJXs

— Paras Khadka (@paras77) September 14, 2021