थप १२७१ जनामा कोरोना‚ १८४५ कोरोनामुक्त

काठमाडौँ । नेपालमा बिहीबार थप १ हजार २ सय ७१ जनामा कोरोना संक्रमण पुष्टि भएको छ ।

देशभर गरिएको ८ हजार ८ सय ९८ पीसीआर परीक्षणका क्रममा १ हजार ५८ र ३ हजार ४६ एन्टीजेन परीक्षणका क्रममा २ सय १३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या ८ लाख ६० हजार ८०६ पुगेको छ ।

त्यस्तै कोरोनाका कारण थप १४ जनाको मृत्यु भएको छ । हालसम्म नेपालमा १० हजार ९ सय ३ जनाले कोरोनाका कारण ज्यान गुमाएका छन् ।

त्यस्तै थप १ हजार ८ सय ४५ संक्रमित निको हुँदा हालसम्म नेपालमा ७ लाख ३५ हजार ६ संक्रमित कोरोनामुक्त भएका छन् । हाल २८ हजार ६ सय ७८ सक्रिय संक्रमित आइशोलेशन र २ सय ६१ जना क्वारेन्टाइनमा रहेको मन्त्रालयले जनाएको छ ।