थप १६४० जनामा संक्रमण, २१६१ कोरोनामुक्त

काठमाडौँ । नेपालमा बुधबार थप १ हजार ६ सय ४० जनामा कोरोना पुष्टि भएको छ ।

देशभर गरिएको ९ हजार ७ सय ६७ पीसीआर परीक्षणका क्रममा १ हजार ३ सय ४७ र ३ हजार ६ सय ८८ एन्टीजेन परीक्षणका क्रममा २ सय ९३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोरोना संक्रमितको संख्या ८ लाख ५९ हजार ५ सय ३५ पुगेको छ । त्यस्तै कोरोनाका कारण थप १० जनाको मृत्यु भएको छ । नेपालमा कोरोनाका कारण हालसम्म १० हजार ८ सय ८९ जनाको मृत्यु भएको छ ।

त्यस्तै २ हजार १ सय ६१ संक्रमित कोरोनामुक्त हुँदा हालसम्म नेपालमा ७ लाख ३३ हजार १ सय ६१ संक्रमित कोरोनामुक्त भएका छन् । हाल २९ हजार ४ सय ७९ सक्रिय संक्रमित आइसोलेसन र २ सय ५६ जना क्वारेन्टाइनमा छन् ।